ԹԱՂՈՒՄ ԸՍՏ ԿՏԱԿԻ
September 23, 2016 at 12:07 am
ԹԱՂՈՒՄ ԸՍՏ ԿՏԱԿԻ
Բառերս ձգվում են տարօրինակ
խաղարկվում է կյանքս-
վայրկյանի մեջ
այս քամի՞ն է բարձրացնում ինձ վեր
թե՞ ձեռքերն են հորս ուրվականի
դե՜... հագցրեք լողակս ջրահարսի
մերկ մարմինս դրեք ջրի վրա
թող չքվեմ ե՛ս էլ անսպասելի
շողի մեջ կորչող ձկան նման
հա՜ էլի՜... մահանում եմ... ճիշտ է
փա՜յլ
փա՜յլ է
ամեն ինչ
և կամ փոշի
գալիս եմ ձե՜զ ես խայտալով
կնամեծա՜ր
մորուքավոր քարեր ծովախորշի