***
September 21, 2016 at 6:17 am
Գուցե ամեն բան
այլ կերպ ընթանար
եթե գիշերը
ասենք
հրաշքով
տեղը չբերեր
երկար մատներդ
բայց ժամանակի
հետադարձ հոսքն էր
ինձ
քեզ մոտ բերել
ու գիշերվա պես
ես էլ գիտեի
որ զգուշավոր
ու
սա՜ռն են լինելու
այդպես
ձեռքերդ
վախճանվող օրը
մեր անկողնու մեջ
մինչև վերջ լուծեց
վրեժն իր արյան
ու անձա՜յն
խեղդված մանկան պես
ծնվեց
առավոտը այն
գուցե...
ամեն բան
այլ կերպ ընթանար
բայց ժամանակի
հետադարձ հոսքն էր
ինձ քեզ մոտ բերել
բացի այդ...
իմ մեջ
բավական ուշ էր
ու
անվավեր էր ճանաչվել սերը