ՌՄԲԱԿՈԾՎԱԾ ՍԱՀՄԱՆԱՄԵՐՁ ՏԱՆԸ
July 10, 2016 at 3:47 am
Պապենական տուն իմ
ծաղկած մաշկով
ծխնելույզից
ելնող
տատիս երազներով
պապենական տուն իմ
ու շուն պապենական
որ ծեսի պես դանդա՜ղ
ամբողջ մարմնով շրջվեց
նայեց աչքերիս մեջ
իբր վերջին անգամ
ապա քայլեց տխուր
այն վարժեցված շան պես
(կինոների)
որ պիտ զոհվեր քիչ անց
իմ փրկության համար
գոգնոցների թեթև կաթնահոտով լցված
պապենական տո՛ւն իմ
քարե հսկա
քանդված… ծխնելույզով
ու
զանգերին
ժանգոտ
իբր վերջին անգամ
տխուր արձագանքող
ոռնո՜ց… ոռնո՜ց…